پاکستان ٹیلی ویژن میں بد عنوانیاں اور بے ضابطگیاں سامنے آنے کے بعد وزیر اطلاعات مرتضی سولنگی نے دنیا کے تین اہم ہیڈکورٹرزمیں ہونے والی تعیناتیاں منسوخ کردیں
وزیر اطلاعات نے لندن میں سابق وزیر اعظم میاں نواز شریف کی سفارش پر تعینات ہونے والے سما ٹی وی کے لندن میں بیورو چیف کوثر کاظمی کو بھی برطرف کردیا
کوثر کاظمی کو سابق وزیر اطلاعات مریم اورنگ زیب کے دور میں ساڑھے چار ہزار پائونڈ ماہانہ پر بھرتی کیا گیا تھا وہ پی ٹی وی کے ساتھ ساتھ سما ٹی وی سے بھی دوہری تنخواہ وصول کررہے تھے
سما ٹی وی کے اعلی عہدیدار نے صحافی آن لائن کے رابطہ کرنے پر بتایا کہ کوثر کاظمی سما ٹی وی سے تنخواہ لے رہے ہیں
کوثر کاظمی نے پی ٹی وی جوائن کرنے کی تردید کردی ہے
کیسے صحافی آن لائن ہو بھائی – میں نے پی ٹی وی کبھی جوائن ہی نہیں کیا اور آپ نے فارغ بھی قرار دے دیا – چلیں اب سولہ لاکھ تنخواہ ہی دلوا دیں 🙏
— Syed Kousar Kazmi (@SyedKousarKazmi) November 18, 2023
کوثر کاظمی میاں نواز شریف کے ہمراہ دبئی سے لاہور پہنچے ہیں
ان کی تنخواہ پاکستانی روپے میں سولہ لاکھ سے زائد بنتی ہے
دوسری جانب سابق وزیر اطلاعات مریم اورنگزیب کے پی ٹی وی سے لئے گئے سٹاف افسر تصور کو جعلی طریقے سے تمام قواعد کی خلاف ورزی کرتے ہوئے سیلہکٹ کیا گیا تھا
واشنگٹن اور برسلز کی دو نئی پوسٹوں کے لئے پی ٹی وی انتظامیہ نے اپنے ملازمین سے درخواستیں طلب کیں
ان درخواستوں پر ٹیسٹ اور انٹرویو کئے گئے جن میں اول ارشد ملک اور دوئم شاہد اجمل آئے جبکہ مریم اورنگ زیب مرتضی سولنگی اور پی ٹی وی کے ڈائریکٹر نیوز عون ساہی تصور نامی رپورٹر کو واشنگٹن بھجوانے پر تل گئے
انہوں نے غیر قانونی طور پر اپنی مرضی کا رپورٹر واشنگٹن بھجوانے کے لئے پرانی سیلیشن کمیٹی کے فیصلوں کو ردی کو ٹوکری میں ڈال کر تصور کو سیلیکٹ کروالیا
تصور کی واشنگٹن روانگی کے تمام انتظامات کئے جارہے تھے جب اسلام آباد کے سینئر صحافی محسن رضا خان نے اس بے ضابطگی کی نشاندھی کی
وزیر اطلاعات مرتضی سولنگی نے اپنی چوری پکڑے جانے پر ارشد ملک اور کوثر کاظمی کی پوسٹیں بھی ختم کردیں
بتایا گیا کہ ا نہوں نے ارشد ملک کی برسلز اور کوثر کاظمی کی کی لندن تقرری منسوخ کی کہ جب تک تصور باہر نہیں جائے گا اس وقت تک یہ تقرریاں نہیں ہونگی