بھار تی جارحیت کاافواج پاکستان کی جانب سے منہ توڑ جواب دینے پر امریکا میں آباد پاکستانی بھی خوشی سے نہال ہیں۔ ڈیلس میں بھی یوم تشکر پاکستانی قونصل جنرل غزالہ حبیب حفیظ خان ،اور دیگر کا خطاب

بھار تی جارحیت کاافواج پاکستان کی جانب سے منہ توڑ جواب دینے پر امریکا میں آباد پاکستانی بھی خوشی سے نہال ہیں۔معرکہ حق اور آپریشن بنیان مرصوص کی کامیابی پرامریکی ریاست ٹیکساس کے شہر ڈیلس میں بھی یوم تشکرمنایا گیا،جس کا اہتمام پاکستانی اورکشمیر محبان وطن نے کیاتھا، تقریب میں پاکستانی قونصل جنرل آفتاب چوہدری، فرینڈزا ٓف کشمیر کی چیئرپرسن غزالہ حبیب ،کمیونٹی رہنماحفیظ خان ، امیرمکھانی اور عابد ملک نے خطاب کیا۔ اس موقع پر کیک کاٹا گیا اور ملک وقوم کی سلامتی وخوشحالی کیلئے دعاکی گئی ، شرکا نے تکبیر ،پاکستان زندہ باد اور افواج پاکستان پائندہ باد کے فلک شگاف نعرے لگائے جبکہ ملی نغموں نے تقریب کا جوش بڑھایا، مقررین نےخطاب میں افواج پاکستان ملک کے دفاع، سلامتی اور امن و امان کے قیام کے لیے ان کی قربانیوں، حوصلے اور عزم و استقلال پر زبردست خراجِ تحسین پیش کیا۔ مقررین کاکہناتھاکہ اوورسیز پاکستانی بھی ہم وطنوں کے ساتھ کھڑے ہیں یومِ تشکر پاک فوج کے جوانوں نے اپنی جانوں کا نذرانہ دے کر دشمن کے ناپاک عزائم کو خاک میں ملا دیا۔ دشمن قوتوں کے خلاف جس استقامت اور قربانی کا مظاہرہ ہماری افواج نے کیا، وہ تاریخ کا روشن باب ہے۔آج دنیا پاکستان کی بہادری معترف ہے ، جبکہ بھارت عالمی تنہائی کاشکارہے ،ہمارے شاہینوں نے دشمن کے رافیل طیاروں کا گھمنڈ خاک میں ملادیا، اس موقع پر امریکی صدرٹرمپ کا بھی جنگ بندی میں کرداراداکرنے پرشکریہ اداکیا گیا