افغان وزیر خارجہ مولوی امیر خان متقی سے زلمے خلیلزاد کی ملاقات، افغانستان اور امریکا کے تعلقات پر تبادلہ خیال
کابل— امارتِ اسلامیہ افغانستان کے وزیر خارجہ مولوی امیر خان متقی سے افغانستان کے لیے امریکا کے سابق خصوصی نمائندے ڈاکٹر زلمے خلیلزاد نے ملاقات کی۔
ملاقات میں افغانستان کی موجودہ صورتِ حال، مختلف شعبوں میں موجود مواقع اور افغانستان و امریکا کے درمیان تعلقات سے متعلق ایسے امور پر تبادلہ خیال کیا گیا جو دونوں ممالک کے باہمی روابط کی توسیع میں کردار ادا کرسکتے ہیں۔
وزیر خارجہ مولوی امیر خان متقی نے افغانستان میں استحکام، سلامتی، اقتصادی ترقی اور خودکفالت کے شعبوں میں ہونے والی عملی پیش رفت کا ذکر کرتے ہوئے کہا کہ افغانستان اس وقت سرمایہ کاری کے لیے سازگار ماحول رکھتا ہے۔
دوسری جانب ڈاکٹر زلمے خلیلزاد نے افغانستان میں موجود امن و استحکام اور تعمیرِ نو کے شعبوں میں ہونے والی پیش رفت کو قابلِ تحسین قرار دیا۔ انہوں نے امید ظاہر کی کہ افغانستان خوشحالی، اقتصادی ترقی اور خودکفالت کے شعبوں میں مزید پیش رفت کرے گا۔
خلیلزاد نے افغانستان اور امریکا کے درمیان تعلقات کی توسیع اور تعمیری تعامل کے حوالے سے بھی اپنے خیالات کا اظہار کیا۔
