حاصل پور میں تیز رفتار مسافر بس اور کار میں خوفناک تصادم حادثے میں ایک ہی خاندان کے 6 افراد جانبحق ہو گئے اور دو زخمیوں کی حالت تاحال تشویشناک ہےحادثہ چشتیاں روڈ پر اڈا محمد پناہ موڑ کے قریب پیش آیا جہاں تیز رفتار اے سی بس اور کار میں شدید تصادم ہوا جاں بحق ہونے والوں میں سردار محمد، ان کی اہلیہ عقیلہ بی بی، بیٹی ماہ نور، بھائی آصف نوید اور بیٹا باسط نوید اور واصف شامل ہیں حادثے میں شدید زخمی ہونے والوں میں شمیم بی بی،اور آصف بھی شامل ہیں جنہیں تشویشناک حالت میں اسپتال منتقل کر دیا گیا ہے جاں بحق افراد کا تعلق چشتیاں کے نواحی علاقے بخش خان سے بتایا جاتا ہے ریسکیو ٹیموں نے بروقت کارروائی کرتے ہوئے زخمیوں کو اسپتال منتقل کیا، جبکہ پولیس نے بس کو تحویل میں لے کر قانونی کارروائی شروع کر دی ہے زرائع کے مطابق مذکورہ خاندان میانوالی میں قریبی رشتہ داران کے جنازہ میں شرکت کے لیے جا رہا تھا کہ چشتیاں روڈ پر حادثے کا شکار ہو گیا دوسری جانب ڈی پی او بہاول پور حسن اقبال نے واقعہ کا نوٹس لیتے ہوئے تھانہ صدر پولیس کو ذمہ داران کی جلد گرفتاری کے احکامات جاری کیے ہیں ۔
