ایمل ولی خان کا وزیراعلیٰ بلوچستان جام کمال اور مشتاق احمد خان سے ٹیلیفونک رابطہ

ایمل ولی خان کا وزیراعلیٰ بلوچستان جام کمال اور مشتاق احمد خان سے ٹیلیفونک رابطہ
سینیٹ انتخابات میں اے این پی امیدواران کو سپورٹ کرنے پر دونوں رہنمائوں کا شکریہ ادا کیا
عوامی نیشنل پارٹی کے دونوں امیدواران اپنے اتحادیوں کی وجہ سے جیت گئے جس پر ان کا شکریہ ادا کرتے ہیں، ایمل ولی خان
اے این پی ایوان بالا میں ہر مظلوم کی آواز بنے گی، ایمل ولی خان کی گفتگو
وزیراعلیٰ بلوچستان اور جماعت اسلامی کے صوبائی امیر مشتاق احمد خان نے ایمل ولی خان کا شکریہ ادا کیا
پشاور(پ ر) عوامی نیشنل پارٹی خیبرپختونخوا کے صدر ایمل ولی خان نے وزیراعلیٰ بلوچستان اور بلوچستان عوامی پارٹی کے صدر جام کمال خان اور جماعت اسلامی خیبرپختونخوا کے امیر سینیٹر مشتاق احمد خان سے ٹیلیفونک رابطہ کیا ہے اور سینیٹ انتخابات میں اے این پی کے امیدواران کو سپورٹ کرنے پر دونوں رہنمائوں کا شکریہ ادا کیا۔ اس موقع پر اے این پی کے صوبائی صدر ایمل ولی خان نے کہا کہ عوامی نیشنل پارٹی کے دونوں امیدواران اپنے اتحادیوں کی وجہ سے جیت گئے جس پر ان کا شکریہ ادا کرتے ہیں، اے این پی ایوان بالا میں ہر مظلوم کی آواز بنے گی۔ وزیراعلیٰ بلوچستان اور جماعت اسلامی کے صوبائی امیر مشتاق احمد خان نے ایمل ولی خان کا شکریہ ادا کیا۔

اس خبر پر اپنی رائے کا اظہار کریں

اپنا تبصرہ بھیجیں