وزیراعلیٰ مریم نواز شریف کی افغانستان کی جانب سے پاکستانی علاقوں پر بلااشتعال جارحیت کی شدید مذمت
وزیراعلیٰ مریم نواز شریف کا افغان جارحیت کا دلیری سے جواب دینے پر پاک فوج کو زبردست خراج تحسین
افغان جارحیت کا جواب پاک افواج نے ہمیشہ کی طرح جرات، دانشمندی اور قومی اتحاد سے دیا ہے:مریم نواز شریف
امن چاہتے ہیں مگر پاکستان کی سا لمیت یا شہریوں کے تحفظ پر کوئی سمجھوتہ نہیں ہو گا
لاہور12 -اکتوبر:……وزیراعلیٰ پنجاب مریم نواز شریف نے افغانستان کی جانب سے پاکستانی علاقوں پر بلااشتعال جارحیت کی شدید مذمت کی ہے-وزیراعلیٰ مریم نواز شریف نے افغان جارحیت کا دلیری سے جواب دینے پر پاک فوج کو زبردست خراج تحسین پیش کیا ہے- وزیراعلی مریم نوازشریف نے کہاکہ پاک فوج پوری قوم کی عزت،غیرت،عزم اور وقار کی علمبردار ہے-افغان جارحیت کا جواب پاک افواج نے ہمیشہ کی طرح جرات، دانشمندی اور قومی اتحاد سے دیا ہے۔پاکستان کی سرحدیں مقدس امانت ہیں انکی حفاظت ہر پاکستانی کا فرض ہے۔وزیراعلی مریم نوازشریف نے کہاکہ افغان جارحیت کا جواب پیغام ہے کہ پاک سرزمین امن کی ضامن ہے،کمزوری کی علامت نہیں -پنجاب کے بارہ کروڑ عوام اپنی بہادر افواج کے ساتھ سیسہ پلائی دیوار بن کر کھڑے ہیں۔وزیراعلی مریم نواز شریف نے کہاکہ امن چاہتے ہیں مگر پاکستان کی سا لمیت یا شہریوں کے تحفظ پر کوئی سمجھوتہ نہیں ہو گا۔
٭٭٭٭
