یورپ کے کئی ممالک میں فلسطین کے حق میں احتجاج، فرانس میں 3 لاکھ 20 ہزار افراد سڑکوں پر نکل آئے
فرانس سمیت یورپ کے مختلف ممالک میں ایک بار پھر احتجاجی مظاہرے کیے گئے۔ فرانسیسی حکام کے تخمینے کے مطابق ملک بھر میں تقریباً 3 لاکھ 20 ہزار افراد نے مظاہروں میں شرکت کی، جن میں سے 70 ہزار افراد پیرس میں جمع ہوئے۔
پیرس کے علاقے شارنتوں کے قریب نقاب پوش مظاہرین اور پولیس کے درمیان جھڑپیں ہوئیں۔ دوسری جانب لیون شہر میں فلسطین کے حامی مظاہرین نے ٹرام اسٹاپ کے قریب اسرائیل اور امریکا کے پرچم نذرِ آتش کیے، جبکہ موقع پر موجود بعض افراد نے نعرے بازی اور مظاہروں کی حمایت کی۔
جرمنی اور اٹلی میں بھی احتجاجی مظاہرے کیے گئے، جبکہ نیدرلینڈز کے شہر دی ہیگ میں احتجاج کی اپیلوں کے بعد نوجوانوں کے گروپ جمع ہوئے۔
سوشل میڈیا پر گردش کرنے والی اس رپورٹ میں ان مظاہروں کو طلبہ کے بہتر حالات کے مطالبات سے مختلف قرار دیتے ہوئے دعویٰ کیا گیا ہے کہ احتجاج کا پس منظر اس سے کہیں وسیع ہے۔ تاہم مظاہروں کے تمام مطالبات اور ان کے محرکات کی آزادانہ تصدیق ضروری ہے۔
