اسلام آباد میں بین الاقوامی اسلامی یونیورسٹی کی طالبہ کی لاش برآمد، بیرونِ ملک بھیجنے کے نام پر 50 لاکھ روپے فراڈ کا شبہ
اسلام آباد کے علاقے جی ٹین مرکز میں واقع گلستان پلازہ کی رہائشی بین الاقوامی اسلامی یونیورسٹی کی طالبہ لائبہ اعجاز کی لاش اتوار بازار کے قریب ٹریفک پولیس کی پرانی چوکی کے ساتھ گرین بیلٹ سے ملنے کی اطلاع ہے۔ طالبہ کی عمر تقریباً 20 سے 22 سال بتائی گئی ہے۔
ابتدائی اطلاعات کے مطابق، لائبہ اعجاز دختر محمد اعجاز غیر شادی شدہ تھیں اور گلستان پلازہ کے فلیٹ نمبر 8 میں رہائش پذیر تھیں۔ بتایا جاتا ہے کہ انہوں نے امریکہ جانے کے لیے نعمان نامی ایک ایجنٹ کو مبینہ طور پر 50 لاکھ روپے ادا کیے تھے، تاہم ایجنٹ کی جانب سے فراہم کردہ دستاویزات مبینہ طور پر جعلی نکلنے کے باعث وہ شدید ذہنی دباؤ کا شکار تھیں۔
اطلاعات میں طالبہ کی موت کو مبینہ خودکشی قرار دیا جا رہا ہے، تاہم واقعے کی اصل وجوہات، موت کی نوعیت اور مبینہ مالی فراڈ کے حوالے سے تاحال آزادانہ تصدیق سامنے نہیں آئی۔ حتمی حقائق پولیس کی تحقیقات اور دیگر شواہد سامنے آنے کے بعد ہی واضح ہو سکیں گے۔
اسلام آباد تھانہ رمنا کے علاقے میں طالبہ کی لاش برآمد !!
طالبہ اسلام آباد G-10 مرکز کے گلستان پلازہ، فلیٹ نمبر 8 کی رہائشی تھی۔مقتولہ کی شناخت لائبہ اعجاز دختر محمد اعجاز سے ہوئی۔مقتولہ کی عمر 22 سال اور غیر شادی شدہ تھی۔مقتولہ بین الاقوامی اسلامی یونیورسٹی کی طالبہ تھی۔طالبہ کی لاش اتوار بازار کے قریب ٹریفک پولیس کی پرانی چوکی کے ساتھ واقع گرین بیلٹ سے ملی۔واقعے کو مبینہ خودکشی قرار دیا جا رہا ہے۔ابتدائی معلومات کے مطابق، طالبہ نے امریکہ جانے کے سلسلے میں ایک ایجنٹ کو مبینہ طور پر 50 لاکھ روپے ادا کیے تھے۔۔
