ٹک ٹاک کا جنون: ناران میں مشہور ٹک ٹاکر سلطان ورک 777 کی گاڑی دریائے کنہار میں جا گری، پانچوں نوجوان محفوظ
ناران کے سیاحتی مقام دھم دھمہ میں ٹک ٹاک ویڈیو بنانے کی کوشش اس وقت خطرناک ثابت ہوئی جب مشہور ٹک ٹاکر سلطان ورک 777 کی ویگو گاڑی دریائے کنہار میں جا گری۔
ریسکیو ذرائع کے مطابق گاڑی میں سوار پانچوں نوجوانوں کو بروقت کارروائی کے ذریعے بحفاظت نکال لیا گیا اور کوئی جانی نقصان نہیں ہوا۔
ابتدائی اطلاعات کے مطابق واقعہ دریائے کنہار کے کنارے ویڈیو بنانے کے دوران پیش آیا، جس کے باعث وہاں موجود سیاحوں میں کچھ دیر کے لیے خوف و ہراس پھیل گیا۔
یہ واقعہ ایک بار پھر اس حقیقت کو اجاگر کرتا ہے کہ سوشل میڈیا پر شہرت اور ویوز کی دوڑ میں خطرناک اسٹنٹس اور غیر ذمہ دارانہ حرکات نہ صرف اپنی جان بلکہ دوسروں کی سلامتی کو بھی خطرے میں ڈال سکتی ہیں۔
