پاکستان رینجرز (سندھ)اورسی ٹی ڈی پولیس نے انٹیلی جنس معلومات کی بنیاد پر مشترکہ کارروائی کرتے ہوئے کراچی کے علاقے ماڑی پور سے کالعدم تنظیم بلوچ لیبرش فرنٹ سے تعلق رکھنے والے انتہائی مطلوب ملزم عبدالرحمان عرف عبداللہ عرف چارلی کو گرفتار کر لیا۔ملزم کے قبضے سے اسلحہ و ایمونیشن برآمد کر لیا گیا۔
تفصیلات کے مطابق ملزم عبدالرحمان عرف عبداللہ عرف چارلی 500کوار ٹر ز ماڑی پور کا رہائشی ہے۔ ملزم 2022میں کالعدم تنظیم میں شامل ہوا۔
ابتدائی تفتیش کے دوران ملزم نے انکشاف کیا ہے کہ اس نے کالعدم تنظیم کے کارندے جمعہ خان کی ہدایات پر اپنے دیگر ساتھیوں عبداللہ، مظفر عرف نو نو، اوصاف اور سمیع بلوچ کے ساتھ مل کر شہری آفتاب احمد کو مورخہ 24جون 2023کو گلشن بے نظیر 500کوارٹرز ماڑی پور کراچی میں فائرنگ کر کے قتل کیا،جس کی ایف آئی آر تھانہ موچکو کیماڑی میں درج ہے۔
گرفتار ملزم نے مزید انکشاف کیا کہ ملزم جمعہ خان اور ملزم علی حسن عرف راجو کی ہدایت پر قانون نافذ کرنے والے اداروں کے متعلق ڈ یٹا اکٹھا کرکے ان کی معلومات جمعہ خان بلوچ اور ملزم علی حسن عرف راجو کو فراہم کر تا رہا۔ ملزم اپنے آپ کو قانون نافذ کرنے والے اداروں کا کارندہ ظاہر کر کے اپنے ساتھیوں کی مدد کر تا رہا۔ ملزم عبدالرحمان بلوچ کالعدم تنظیموں کے لیئے سہولت کاری کا کام سرانجام دے رہاتھا۔ ملزم سے مزید اہم انکشافات متوقع ہیں۔
گرفتارملزم کو اسلحہ ایمونیشن سمیت مزید قانونی کاروائی کے لیے پولیس کے حوالے کر دیا گیا ہے۔ عوام سے اپیل ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔
Skip to content
