افغانستان میں طالبان کی فوجی گاڑیوں کے قافلہ پر ریموٹ کنٹرول بم دھماکہ، 16 طالبان جاں بحق و زخمی
افغانستان کے شہر فیض آباد میں سڑک کنارے کھڑی موٹرسائیکل میں اُس وقت دھماکہ ہوگیا جب وہاں سے طالبان فوج کی گاڑیوں کا قافلہ گزر رہا تھا۔
سحر نیوز/ عالم اسلام: عالمی خبر رساں ادارے کے مطابق موٹر سائیکل میں بارودی مواد بھرا ہوا تھا جسے ریموٹ کنٹرول ڈیوائس کے ذریعے اُڑایا گیا۔ دھماکا اتنا زور د ار تھا کہ طالبان ملٹری کی گاڑی مکمل طور پر تباہ ہوگئی۔
دھماکے کے بعد جائے وقوعہ پر ہر طرف انسانی اعضا بکھرے ہوئے ہیں۔ 3 اہلکار موقع پر ہی جاں بحق ہوگئے جب کہ 10 سے زائد زخمی ہیں۔ ہلاک اور زخمی ہونے والوں کو قریبی اسپتال منتقل کردیا گیا۔
جہاں مزید 3 زخمیوں نے دوران علاج دم توڑ دیا جس کے نتیجے میں ہلاکتوں کی مجموعی تعداد بڑھ کر 6 ہوگئی۔ 2 زخمیوں کی حالت نازک بتائی جا رہی ہے۔ طالبان نے علاقے کا محاصرہ کرکے سرچ آپریشن شروع کردیا۔
تاحال کسی شدت پسند گروپ نے حملے کی ذمہ داری قبول نہیں کی۔
واضح رہے کہ طالبان کے 2021 میں اقتدار سنبھالنے کے بعد سے فوجی قافلوں، امام بارگاہوں اور حکومتی دفاتر پر حملوں میں داعش خراسان ملوث رہی ہے۔
افغانستان کے شہر فیض آباد میں سائیکل میں نصب مقناطیس بم کا دہماکہ جب پولیس فورس منشیات تلف کے مشن پر جاتے ہوئے رکی تھی تین پولیس اہلکار شہید پانچ زخمی
آج دن گیارہ بجے کے قریب صوبہ بدخشاں کے صدر مقام فیض آباد شہر کے جوزون کے علاقے میں موٹرسائیکل میں نصب مقناطیس بم کا دھماکہ ہوا۔
بم اس وقت پھٹا جب پولیس فورسز کا قافلہ پوست کی فصل تباہ کرنے کے لیے سڑک کنارے رکا ہوا تھا۔
ابتدائی معلومات کے مطابق بدقسمتی سے اس واقعے میں تین پولیس اہلکار شہید اور پانچ زخمی ہوئے۔
پولیس واقعہ کی تحقیقات کر رہی ہے۔
ترجمان وزارت داخلہ مفتی عبدالمتین قانع (ایکس اکاؤنٹ)
