خادم حرمین شریفین شاہ سلمان بن عبدالعزیز نے رمضان المبارک کی آمد پر مملکت کے شہریوں، مقیمین اور تمام مسلمانوں کو مبارکباد دی ہے اور عالمی برادری سے مطالبہ بھی کیا ہے کہ وہ فلسطینیوں پر ہونے والے وحشیانہ مظالم کو رکوائے
خادم الحرمین الشریفین شاہ سلمان نے ماہ صیام کی آمد پر اپنے پیغام میں کہا کہ ہمارے لیے تکلیف کا باعث کہ رمضان المبارک ایسے وقت میں آرہا ہے جب ہمارے فلسطینی بھائی جارحیت کا سامنا کررہے ہیں انہوں نے زور دیا کہ بین الاقوامی برادری فلسطین میں وحشیانہ جرائم کو روکنے، محفوظ انسانی اور امدادی راہداریاں کھولنےکی ذمہ داری پوری کرے خادم حرمین شریفین نے اپنے پیغام میں مزید کہا ہے کہ یہ مبارک مہینہ عالم اسلام اور تمام دنیا کے لیے امن وسلامتی کا باعث بنے اور مملکت کے امن اور خوشحالی قائم رہنے اور روزہ داروں کے روزے قبول ہونے کی دعا کی
