کوہاٹ سٹی پولیس نے دو کروڑ روپے تاوان کی غرض سے اغوا دو لڑکوں کو بازیاب کرالیا
کامیاب کاروائی کے دوران اغوا کار سیف اللہ ولد مؤمن حیات سکنہ میروزئی کو گرفتارکرلیا گیا ہے۔
29 دسمبر کو 15 سالہ فہداللہ جان اور 14 سالہ عمر فاروق کے لاپتہ ہونے کی رپورٹ پر پولیس نے کارروائی کرتے ہوئے مبینہ اغوا کار کو حراست میں لیا
کارروائی کے دوران مغوی لڑکوں کو بازیاب کرکے والدین کے حوالے کر دیا گیا ہے
پولیس نےلڑکوں کے اغواء کا مقدمہ تھانہ سٹی میں درج کر لیا ہے
مبینہ اغوا کار کو ایس ایچ او سٹی وقار آفریدی اور انکی پولیس ٹیم نے چھاپہ مار کارروائی کے دوران گرفتار کرلیاہے
پولیس نے اغوا واردات میں استعمال ہونے والا موٹر سائیکل بھی برآمد کرکے تحویل میں لیا ہے
مغویوں کی بازیابی جدید ٹیکنالوجی کے استعمال ، مؤثر تفتیشی طرز عمل اور پولیس کی دن رات انتھک محنت کا نتیجہ ہے
زیر حراست ملزم کو عدالت میں پیش کر کے انکا جسمانی ریمانڈ حاصل کرلیا گیا ہے اور ان سے تفتیش جاری ہے
لڑکوں کے اغوا میں ملوث دیگر شریک جرم ملزمان کی تلاش جاری ہے جنہیں جلد قانون کی گرفت میں لایا جائے گا. ڈی ایس پی سٹی نواب خان
