لودھراں میں سی سی ڈی کا ڈاکوؤں سے مبینہ مقابلہ ،تین ڈاکو مارے گئے، ملزمان کی فائرنگ سے سرکاری گاڑی کو شدید نقصان پہنچا۔

لودھراں میں سی سی ڈی کا ڈاکوؤں سے مبینہ مقابلہ ،تین ڈاکو مارے گئے، ملزمان کی فائرنگ سے سرکاری گاڑی کو شدید نقصان پہنچا۔

سی سی ڈی لودھراں کی ٹیم اشتہاریوں کی گرفتاری کیلئے جلہ آرائیں پل بہشتی لنک روڈ پر موجود تھی، دو موٹر سائیکلوں پر پانچ مشکوک افراد کو رکنے کا اشارہ کیا۔ موٹر سائیکل سوار رکنے کی بجائے چک ایک تا چار جنگل کی جانب فرار ہوگئے۔ سی سی ڈی کے تعاقب پر ملزمان نے سیدھی فائرنگ شروع کردی۔ ملزمان کی فائرنگ سے سرکاری گاڑی کو شدید نقصان پہنچا۔ کراس فائرنگ رکنے پر سرچ آپریشن کیا گیا۔سی سی ڈی ذرائع کے مطابق 03 ملزمان ساتھیوں کی فائرنگ سے ہلاک حالت میں پائے گئے۔ ہلاک ملزمان سے ایک موٹر سائیکل , 01 کلاشنکوف ،02 پسٹل اور گولیاں برآمد ہوئیں۔ دو ملزمان فرار ہونے میں کامیاب ہوگئے ۔ ملزمان کی شناخت کا عمل جاری ہے ۔