جنگ ملازمین کا معاملہ وزیراعظم کے سامنے اٹھائونگا،رانا ثناء اللہ کی متاثرین کو مسائل کے حل کی یقین دھانی
جنگ ورکرز کے استحصال پر لعن بھی کرتے ہیں اور طعن بھی،جنگ ملازمین کی تنخواہوں کی ادائیگی کا معاملہ وزیر اعظم کے سامنے رکھیں گے اور اسے حل کروانے کی ہر ممکن کوشش کرینگے
کیمپ پر حملے ، پوسٹرزاور بینرز پھاڑنے کے واقعے کی شدید مذمت،احتجاج آپکا بنیادی حق، دوبارہ کیمپ پر حملہ یا پر امن احتجاج کی راہ میں رکاوٹ ڈالی گئی تو حکومتی سطح پر معاملہ اٹھائونگا
جنگ ملازمین پر درج ناجائز،بے بنیاد اور جھوٹے مقدمہ کے حوالے سے وزیر اعظم شہباز شریف ،وفاقی وزیر اطلاعات عطا تارڑ، میر شکیل الرحمن اورمیر ابراہیم سے بات کرینگے ،مشیر وزیراعظم
اسلام آباد وزیر اعظم کے معاون خصوصی برائے سیاسی امور رانا ثنا ء اللہ خان کی جیوہیڈ آفس کے باہر دھرنا دیے جنگ ملازمین سے ملاقات ، جنگ ملازمین کے استحصال اور تنخواہوں کی ادائیگی میں تاخیر کا معاملہ وزیر اعظم پاکستان کے سامنے اٹھانے اور حل کروانے کی یقین دھانی، تفصیلات کے مطابق لیگی راہنما اور وزیر اعظم کے معاون خصوصی رانا ثنا ء اللہ خان نے یونین آف پنجابی جرنلسٹس اور پرفیشنل جرنلسٹس گروپ کے زیر اہتمام گزشتہ نو روز سے جیو ہیڈ آفس ڈی چوک میں تنخواہوں کی عدم ادائیگی ،جنگ ملازمین پر ناجائز ،بے بنیاد اور جھوٹے مقدمات کے اندراج ،بنیادی انسانی حقوق کی کھلی خلاف ورزی ، حکومت کی جانب سے ملازمین کو کم سے کم طے شدہ اجرت کی ادائیگی نہ ہونے کے خلاف سراپا احتجاج جنگ ملازمین کے دھرنے میں شرکت کی اور جنگ ملازمین سے ملاقات کی اور انکے مسائل سنے ،جسکے بعد وزیر اعظم کے معاون خصوصی برائے سیاسی امور رانا ثناء اللہ خان نے جنگ انتظامیہ کی جانب سے ورکرز پر درج ایف آئی آر کی مذمت کرتے ہوئے کہا کہ ورکرز کے استحصال پر لعن بھی کرتے ہیں اور طعن بھی۔ انہوں نے کہا کہ جنگ ملازمین کی تنخواہوں کی ادائیگی کا معاملہ وزیر اعظم کے سامنے رکھیں گے اور اسے حل کروانے کی ہر ممکن کوشش کرینگے اسکے علاوہ جنگ ملازمین پر درج ناجائز مقدمہ کے حوالے سے وزیر اعظم شہباز شریف ،وفاقی وزیر اطلاعات عطا تارڑ، میر شکیل الرحمن اورمیر ابراہیم سے بات کرینگے ۔دوروز قبل جنگ انتظامیہ کی جانب سے پر امن مظاہرین کے کیمپ پر حملے ، پوسٹرزاور بینرز پھاڑنے کے واقعے پر مشیر وزیراعظم نے پر امن دھرنے پر حملے کی شدید مذمت کرتے ہوئے کہا کہ آئندہ ایسا غیر آئینی اقدام جیو انتظامیہ کی طرف سے اٹھایا گیا تو آپ نے مجھے اطلاع دینی ہے احتجاج آپکا بنیادی حق ہے اگر دوبارہ کیمپ پر حملہ یا احتجاج کی راہ میں رکاوٹ ڈالی گئی تو حکومتی سطح پر معاملہ اٹھائونگا۔اس موقع پر مشیر وزیر اعظم نے میر شکیل چندہ مہم میں حصہ بھی لیا اورورکرز کے حقوق کا استحصال کرنے والے میر شکیل کیلئے چندہ بھی دیا۔
