ایف آئی اے کے انسداد دہشتگردی ونگ پشاور نے توہین رسالت و توہین مذہب کا مقدمہ درج کرکے ایک مجرم کو گرفتار کر لیا
اسلام آباد ہائیکورٹ کے احکامات کے بعد سوشل میڈیا پر گستاخانہ مواد کی تشہیر میں ملوث مجرمان کے خلاف ایف آئی اے ملک بھر میں متحرک ہو گئی
ایک ہفتے کے دوران دو مقدمات درج کرکے ایف آئی اے نے اسلام آباد اور پشاور سے دو مجرمان کو گرفتار کر لیا۔آئندہ چند روز میں مختلف شہروں سے مزید گرفتاریاں متوقع
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(اسلام آباد)اسلام آباد ہائیکورٹ کے احکامات کے بعد سوشل میڈیا پر گستاخانہ مواد کی تشہیر میں ملوث مجرمان کے خلاف ایف آئی اے ملک بھر میں متحرک ہو گئی۔گزشتہ روز ایف آئی اے کے انسداد دہشتگردی ونگ پشاور نے بھی توہین رسالت،توہین مذہب،انسداد سائبر کرائم ایکٹ اور انسداد دہشتگردی ایکٹ کی متعلقہ دفعات کے تحت سوشل میڈیا پر گستاخانہ مواد کی تشہیر کا مقدمہ درج کرتے ہوئے گستاخانہ مواد کی تشہیر میں ملوث ایک مجرم کو گرفتار کرلیا۔اس سے قبل گزشتہ ہفتے ایف آئی اے سائبر کرائم ونگ اسلام آباد نے بھی توہین رسالت و توہین مذہب کی دفعات کے تحت مقدمہ درج کرکے گستاخانہ مواد کی تشہیر میں ملوث ایک خاتون مجرمہ کو اسلام آباد سے گرفتار کیا تھا۔تفصیلات کے مطابق اسلام آباد ہائیکورٹ کے احکامات کے بعد سوشل میڈیا پر گستاخانہ مواد کی تشہیر میں ملوث مجرمان کے خلاف کاروائی میں تیزی آگئی۔ایف آئی اے گستاخانہ مواد کی تشہیر میں ملوث مجرمان کے خلاف ملک بھر میں متحرک ہو گئی۔ایف آئی اے نے ایک ہفتے کے دوران گستاخانہ مواد کی تشہیر میں ملوث مجرمان کے خلاف دو الگ الگ مقدمات درج کرکے دو مجرمان کو گرفتار کر لیا ہے۔گزشتہ روز ایف آئی اے کے انسداد دہشتگردی ونگ پشاور نے توہین رسالت،توہین مذہب،انسداد سائبر کرائم ایکٹ اور انسداد دہشتگردی ایکٹ کی متعلقہ دفعات کے تحت مقدمہ درج کرکے سوشل میڈیا پر گستاخانہ مواد کی تشہیر میں ملوث ایک مجرم کو گرفتار کر لیا ہے۔اس سے قبل ایف آئی اے کے سائبر کرائم ونگ اسلام آباد نے بھی گزشتہ ہفتے اسی نوعیت کا مقدمہ درج کرکے گستاخانہ مواد کی تشہیر میں ملوث ایک خاتون مجرمہ کو اسلام آباد سے گرفتار کیا تھا۔آئندہ چند روز میں سوشل میڈیا پر گستاخانہ مواد کی تشہیر میں ملوث مزید مجرمان کی بھی مختلف شہروں سے گرفتاری متوقع ہے۔سوشل میڈیا پر گستاخانہ مواد کی تشہیر میں ملوث مجرمان کا سراغ لگانے کے لئے ایف آئی اے کے سائبر کرائم ونگ کو جدید آلات بھی فراہم کئے جارہے ہیں۔جس سے اس گھناؤنے جرم میں ملوث مجرمان کو قانون کی گرفت میں لانے کے لئے ایف آئی اے سائبر کرائم ونگ کی استعداد میں مزید اضافہ ہوگا۔واضح رہے کہ سوشل میڈیا پر گستاخانہ مواد کی تشہیر اور اس میں ملوث مجرمان کے خلاف تحریک تحفظ ناموس رسالتؑ کے نائب صدر شیراز احمد فاروقی،جنرل سیکریٹری حافظ احتشام احمد اور محمد سعید نے اسلام آباد ہائیکورٹ میں پٹیشن دائر کررکھی ہے۔مذکورہ پٹیشن پر اسلام آباد ہائیکورٹ نے ایف آئی اے کو سوشل میڈیا پر گستاخانہ مواد کی تشہیر میں ملوث مجرمان کے خلاف بلاتاخیر کاروائی کرنے کا حکم دیا تھا۔اس حوالے سے اسلام آباد ہائیکورٹ ایف آئی اے سے پیش رفت رپورٹ بھی طلب کررہی ہے۔
