🚨🚨
*خیبر پختونخوا سیکیورٹی فورسز کی کارروائی، 15 فتنہ الخوارج دہشتگرد ہلاک*
خیبر پختونخوا کے ڈیرہ اسماعیل خان اور شمالی وزیرستان میں سیکیورٹی فورسز نے 15 اور 16 نومبر کو دو علیحدہ خفیہ اطلاعات پر مبنی کارروائیوں کے دوران فتنہ الخوارج کے 15 دہشتگردوں کو ہلاک کر دیا ہے۔
فوج کے شعبہ تعلقات عامہ *(آئی ایس پی آر)* کے مطابق یہ کارروائیاں ملک گیر انسداد دہشتگردی مہم ‘عزمِ استحکام’ کا حصہ ہیں، جسے نیشنل ایکشن پلان کی فیڈرل ایپکس کمیٹی نے منظور کیا تھا۔
*ڈیرہ اسماعیل خان میں کارروائی*
آئی ایس پی آر نے بتایا کہ خفیہ اطلاعات کی بنیاد پر سیکیورٹی فورسز نے ڈیرہ اسماعیل خان کی تحصیل کلاچی میں کارروائی کی۔ کارروائی کے دوران فورسز اور دہشتگردوں کے درمیان فائرنگ کا تبادلہ ہوا اور فورسز نے دہشتگردوں کی پوزیشنوں کو مؤثر طور پر نشانہ بنایا۔
اس کارروائی کے نتیجے میں 10 دہشتگرد ہلاک ہو گئے جن میں ان کا _سرغنہ عالم محسود_ بھی شامل تھا۔
علاقے میں سرچ آپریشن کے دوران اسلحہ، گولہ بارود اور دیگر سامان بھی برآمد کیا گیا۔
*شمالی وزیرستان میں کارروائی*
شمالی وزیرستان کے علاقہ دتہ خیل میں بھی ایک اور خفیہ اطلاع پر مبنی کارروائی میں سیکیورٹی فورسز نے فتنہ الخوارج کے مزید 5 دہشتگردوں کو ہلاک کیا۔ آئی ایس پی آر کے مطابق یہ کارروائی علاقے میں دہشت گرد سرگرمیوں کی اطلاعات کے بعد کی گئی، جہاں حالیہ مہینوں میں متعدد آپریشن کیے گئے ہیں۔
*علاقے میں کلیئرنس جاری:*
آئی ایس پی آر نے کہا کہ دونوں علاقوں میں سینیٹائزیشن آپریشنز جاری ہیں تاکہ کسی بھی چھپے ہوئے دہشتگرد کو قابو کیا جا سکے۔ بیان میں مزید کہا گیا کہ سیکیورٹی فورسز ملک سے ہر قسم کی غیر ملکی پشت پناہی یافتہ دہشتگردی کے خاتمے کے لیے پرعزم ہیں۔
*افواج پاکستان نے اپنے عزم کا اعادہ کرتے ہوئے کہا کہ دیرپا امن و استحکام کے لیے انٹیلی جنس شیئرنگ اور مربوط کارروائیاں جاری رہیں گی۔*
