طورخم بارڈر پر ایف آئی اے کے ایک اہلکار کی جانب سے دورانِ ڈیوٹی مسافروں کی ریکارڈنگ کرنے اور فرائض منصبی میں غفلت برتنے کی ویڈیو وائرل ہونے پر ڈائریکٹر جنرل ایف آئی اے نے فوری نوٹس لیا ہے۔
ڈی جی ایف آئی اے نے ڈائریکٹر ایف آئی اے پشاور زون سے واقعے کی تفصیلی رپورٹ طلب کر لی ہے۔
احتشام الحق نامی اہلکار کو فوری طور پر معطل کر کے انکوائری کا آغاز کر دیا گیا ہے۔
سوشل میڈیا پر وائرل ہونے والی ویڈیو میں اہلکار احتشام الحق کو مسافروں کی ریکارڈنگ کرتے ہوئے دیکھا گیا ہے
اہکلار ایف آئی اے امیگریشن چیک پوسٹ طورخم پر تعینات تھا
واقعے میں ملوث ایف آئی اے کانسٹیبل کو فوری طور پر معطل کر کے اس کے خلاف محکمانہ انکوائری شروع کر دی گئی ہے۔
ایف آئی اے شہریوں کے ساتھ شائستہ، مہذب اور قانون کے مطابق رویہ اپنانے پر سختی سے کاربند ہے۔
مسافروں کو باوقار اور معیاری امیگریشن سروس فراہم کرنا ادارے کی اولین ترجیح ہے۔
ایف آئی اے امیگریش مسافروں کو جدید امیگریشن سروس کی فراہمی کے لئے ہنگامی بنیادوں پر اقدامات کر رہا ہے
کسی بھی اہلکار کی جانب سے اختیارات کے ناجائز استعمال یا بدسلوکی ہرگز برداشت نہیں کی جائے گی۔
قواعد و ضوابط کی خلاف ورزی کرنے والے اہلکاروں کے خلاف بلاامتیاز کارروائی کی جائے گی۔
ترجمان ایف آئی اے
