سپریم کورٹ نے پی ٹی سی ایل کے سابقہ ملازمین کو پینشن کا حقدار قرار دے دیا۔سپریم کورٹ کی پی ٹی سی ایل کو نوے روز میں پینشن کی ادائیگی کا شیڈول مرتب کرنے اور پینشن پر نظر ثانی وفاقی حکومت کے مطابق کرنے کی ہدایت
سپریم کورٹ نے پی ٹی سی ایل کے سابقہ ملازمین کی پینشن سے متعلق اہم فیصلہ جاری کرتے ہوئے انہیں پینشن کا مکمل حقدار قرار دے دیا ہے۔ چیف جسٹس یحییٰ آفریدی اور جسٹس امین الدین نے پینشرز کے حق میں فیصلہ دیا اور جسٹس عائشہ کے فیصلے سے اختلاف کیا۔ تین رکنی بینچ نے پونے دو سو سے زائد اپیلوں اور درخواستوں پر تفصیلی فیصلہ جاری کرتے ہوئے کہا کہ ادارے کے مالی مسائل پینشن کی ادائیگی سے اسے بری الذمہ نہیں کرتے۔ عدالت نے ہدایت کی کہ پی ٹی سی ایل 90 دن میں پینشن کی ادائیگی کا شیڈول مرتب کرے اور پینشن پر نظر ثانی وفاقی حکومت کے مطابق کی جائے۔ سپریم کورٹ نے مزید کہا کہ ادائیگیوں کا عمل شفاف اور منصفانہ ہونا چاہیے تاکہ متاثرہ پینشنرز کے جائز مطالبات کا ازالہ ممکن ہو سکے۔
