64

آزادجموں وکشمیر الیکشن کمایشن نے رہنماء مسلم لیگ ن چوہدری یٰسین گلشن کے عباسپور میں منعقدہ جلسہ میں انتہائی اشتعال انگیز و دھمکی آمیز تقریر پر وضاحت طلب کر لی۔

مظفرآباد
آزادجموں وکشمیر الیکشن کمایشن نے رہنماء مسلم لیگ ن چوہدری یٰسین گلشن کے عباسپور میں منعقدہ جلسہ میں انتہائی اشتعال انگیز و دھمکی آمیز تقریر پر وضاحت طلب کر لی۔ الیکشن کمیشن کی طرف سے جاری ہونے والے نوٹس میں کہا گیا ہے کہ آپ نے الیکشن کمیشن کو یہ دھمکی دی ہے کہ الیکشن کمیشن کو ”آگ لگا دیں گے“ آپ کی طرف سے اس طرح کی دھمکی آمیز و اشتعال انگیز تقریر نہ صرف آزادجموں وکشمیر الیکشن کمیشن کے جاری کردہ ضابطہ اخلاق کی خلاف ورزی ہے، بلکہ اس پاداش آپ کے خلاف توہین کی کارروائی بھی عمل میں لائی جاسکتی ہے۔لہذا آپ بتقرر 28 جولائی 2021 ء کو الیکشن کمیشن کے رو پرو پیش ہو کر اس امر کی وضاحت کریں کہ کیوں نہ آپ کی طرف سے دھمکی آمیز تقریر کرنے اور الیکشن کمیشن کی توہین کرنے پر کارروائی ضابطہ عمل میں لائی جائے جو کہ آپ کی نا اہلی پر منتج ہو سکتی ہے۔ آ پ کی عدم حاضری و جواب موصول نہ ہونے کی صورت میں یہ باور کیا جا ئے گا کہ آ پ کے پاس مذکورہ فعل کا کوئی جواب نہ ہے اور آپ کے خلاف یکطرفہ کارروائی عمل میں لائی جائے گی۔

اس خبر پر اپنی رائے کا اظہار کریں

اپنا تبصرہ بھیجیں