جبری گمشدگیوں کے غیرآئینی و غیر قانونی عمل میں صحافتی اقدار کا خون کرتے ہوئے ریاستی اغواء کاروں کی سہولتکاری کرنے والے اینکرز کے بائیکاٹ کا معاملہ
پاکستان تحریک انصاف کا کامران شاہد، عادل شاہزیب اور منیب فاروق کے مکمل بائیکاٹ کا فیصلہ
کورکمیٹی نے تینوں اینکرز کے مکمل بائیکاٹ کی منظوری دے دی
پاکستان تحریک انصاف کا کوئی نمائندہ ان تینوں اینکرز کے پروگرامات میں شریک نہیں ہوگا
پاکستان تحریک انصاف ذرائع ابلاغ کی انتظامیہ اور اس سے وابستہ صحافیوں سے آئین و قانون اور مسلّمہ صحافتی اقدار و اخلاقیات کی پاسداری کی امید کرتی ہے، ترجمان تحریک انصاف
ان تین اینکرز نے جبری طور پر لاپتہ کئے گئے تحریک انصاف کے قائدین عثمان ڈار، صداقت عباسی اور عوامی مسلم لیگ کے سربراہ شیخ رشید احمد کے اغواء کاروں کے ساتھ مل کر پلانٹڈ انٹرویوز کئے، ترجمان تحریک انصاف
ریاستی اغواء کاروں کے ساتھ مل کر غیرآئینی و غیرقانونی طور پر لاپتہ کئے گئے شہریوں/سیاسی افراد کے پلانٹڈ انٹرویو صحافتی اقدار و اخلاقیات پر حملہ اور ایک مجرمانہ فعل ہے، ترجمان تحریک انصاف
چینلز انتظامیہ اور صحافتی تنظیموں سے توقع ہے کہ وہ صحافت کی حرمت کا سودا کرکے ملک میں لاقانونیّت کی سہولت کاری کے مرتکب ان تینوں اینکرز کے خلاف اپنی اپنی سطح پر مذمت اور کارروائی کریں گے، ترجمان تحریک انصاف
پاکستان تحریک انصاف بطور احتجاج ان تینوں اینکرز کے ساتھ کسی مباحثے یا پروگرام میں شریک ہوگی نہ ہی ان سے کسی قسم کا تعاون کیا جائے گا، ترجمان تحریک انصاف
