*🔴ژوب میں خوارج کی دراندازی کی کوشش ناکام، سیکیورٹی فورسز نے 33 خوارج کو ہلاک کردیا*
بلوچستان کے ضلع ژوب میں سیکیورٹی فورسز نے بڑا آپریشن کرتے ہوئے 33 خارجی دہشت گردوں کو ہلاک کر دیا۔
پاک فوج کے شعبہ تعلقات عامہ (آئی ایس پی آر) کے مطابق 7 اور 8 اگست کی درمیانی رات بھارتی پراکسی فتنہ خوارج سے تعلق رکھنے والے دہشتگردوں کا ایک بڑا گروہ پاکستان-افغان سرحد کے راستے سے دراندازی کی کوشش کر رہا تھا۔
آئی ایس پی آر کے مطابق سیکورٹی فورسز نے بلوچستان کے ضلع ژوب کے جنرل علاقے سمبازہ میں مؤثر طریقے سے ان دہشتگردوں کی دراندازی کی کوشش کو ناکام بنایا۔
پاک فوج کے شعبہ تعلقات عامہ نے بتایا کہ سیکیورٹی فورسز کے جرات مندانہ اور مؤثر آپریشن کے نتیجے میں 33 بھارتی اسپانسرڈ خوارج مارے گئے، جبکہ اسلحہ، گولہ بارود اور دھماکا خیز مواد کا بڑا ذخیرہ بھی برآمد کیا گیا۔
آئی ایس پی آر کے مطابق علاقے میں موجد دیگر خارجی دہشت گردوں کو ختم کرنے کے لیے کلیئرنس آپریشن کیا جا رہا ہے۔
