سپریم جوڈیشل کونسل کا اجلاس اعلامیہ جاری، سروس رولز 2025 کا مسودہ منظور کرلیا گیا، کونسل میں زیر التواء 24 شکایات کا جائزہ لیا گیا جن میں سے 19 کو خارج اور پانچ کو موخر کیا گیا.
مونٹاج
وی او
سپریم جوڈیشل کونسل کا اہم اجلاس چیف جسٹس پاکستان جسٹس یحییٰ آفریدی کی زیر صدارت منعقد ہوا، سپریم کورٹ میں منعقدہ اجلاس میں جسٹس منصور علی شاہ، جسٹس منیب اختر، چیف جسٹس لاہور ہائیکورٹ جسٹس عالیہ نیلم، اور چیف جسٹس سندھ ہائیکورٹ جسٹس جنید غفار نے شرکت کی۔ اجلاس کے بعد جوڈیشل کونسل کا اعلامیہ جاری کیا گیا جس کے مطابق سپریم جوڈیشل کونسل نے سروس رولز 2025 کے مسودے کی منظوری دے دی ہے۔ اجلاس میں ضابطہ اخلاق میں مجوزہ ترامیم پر مزید قانونی غور کی ضرورت پر بھی زور دیا گیا جبکہ انکوائری کے طریقہ کار پر مشاورت جاری رکھنے کا فیصلہ کیا گیا۔
بریدنگ اسپیس
اعلامیہ میں بتایا گیا کہ کونسل نے آئین کے آرٹیکل 209 کے تحت دائر 24 شکایات کا تفصیلی جائزہ لیا، جن میں سے 19 شکایات کو متفقہ طور پر خارج کر دیا گیا جبکہ 5 شکایات کو مؤخر کرنے کا فیصلہ کیا گیا۔ اعلامیے کے مطابق سپریم جوڈیشل کونسل کا آئندہ اجلاس جلد طلب کیا جائے گا جس میں زیر التوا قانونی نکات پر مزید پیش رفت متوقع ہے۔
