وزیراعظم کے خصوصی معاون ہارون اختر خان اور ایف پی سی سی آئی کے وفد کے درمیان ملاقات
وزیراعظم کے خصوصی معاون ہارون اختر خان کی قیادت میں فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کے وفد کے ساتھ ایک ملاقات ہوئی۔
ملاقات کے دوران فیڈرل بورڈ آف ریونیو (ایف بی آر) کی ناجائز مداخلت، ٹیکس کے مسائل اور ٹیرف رکاوٹوں پر تفصیلی بات چیت کی گئی۔
وزیراعظم شہباز شریف نے ان مسائل کے حل کے لیے مؤثر پالیسیاں بنانے اور مخصوص کمیٹیاں تشکیل دینے کی واضح ہدایات دی ہیں۔
ہارون اختر خان نے چیمبرز کے تمام مسائل کے حل کے لیے دن رات محنت کرنے کا عزم ظاہر کیا اور کہا کہ تمام مسائل کو یکجا کرنے کے لیے ایک جامع فریم ورک تیار کیا جا رہا ہے۔
ان شاء اللہ، وزیراعظم کی ہدایات کے تحت بنائی گئی کمیٹیاں کاروباری برادری کی بہتری کے لیے ایک غیر معمولی فریم ورک پیش کریں گی۔
