نیشنل ای او سی نے ملک کے 20 اضلاع کے 25 ماحولیاتی نمونوں میں پولیو وائرس کی موجودگی کی تصدیق کر دی ۔۔ رواں سال ملک میں 6 پولیو وائرس کیس رپورٹ ہو چکے جبکہ 2024 میں ملک میں 74 پولیو وائرس کے کیس رپورٹ ہوئے تھے ۔۔
نیشنل ایمرجنسی آپریشنز سینٹر نے نیشنل ریفرنس لیب میں ملک گیر ماحولیاتی نمونوں کی ٹیسٹنگ کے دوران 20 اضلاع کے 25 سیوریج سیمپلز میں پولیو وائرس ون کی تصدیق کر دی۔این ای او سی نے بتایا کہ پولیو ٹیسٹ کیلیے ماحولیاتی نمونے 5 سے 19 مارچ کے درمیان لیے گئے، بلوچستان کے 9 اور خیبر پختونخوا کے 5 اضلاع کے ماحولیاتی نمونے پولیو پازیٹو آئے۔ پنجاب کے 6 اضلاع کے سیوریج سیمپلز پولیو پازیٹو نکلے ہیں۔کوئٹہ، کیچ، خضدار، لسبیلہ، پشین، لورالائی، دکی، نصیر آباد، اوستہ محمد، پشاور، بنوں، کوہاٹ، لکی مروت، جنوبی وزیرستان، لوئر، لاہور، ملتان، بہاولپور، بہاولنگر، ڈی جی خان اور رحیم یار خان کے ماحولیاتی نمونوں میں پولیو وائرس پایا گیا ۔۔ٹیسٹنگ کے دوران 31 اضلاع کے 35 سیوریج سیمپلز پولیو وائرس سے پاک نکلے ہیں، رواں سال 13ویں بار ماحولیاتی نمونوں میں پولیو وائرس پایا گیا اور پازیٹو سیمپلز کی تعداد 150 سے تجاوز کر گئی ۔ واضح رہے کہ رواں سال ملک میں 6 پولیو وائرس کیس رپورٹ ہو چکے ہیں جبکہ 2024 میں ملک میں 74 پولیو وائرس کے کیس رپورٹ ہوئے تھے۔۔
نیشنل ای او سی نے تصدیق کرتے ہوئے کہا کہ 21 تا 27 اپریل ملک بھر میں قومی پولیو مہم کا انعقاد کیا جائے گا ۔۔
