گورنر خیبر پختونخوا فیصل کریم کنڈی کی اپیل پر روس کی جانب سے ضلع کرم متاثرین کے لیے 30 ٹن امداد کی فراہمی
گورنر خیبر پختونخوا فیصل کریم کنڈی کی درخواست پر روس نے عید الفطر سے قبل ضلع کرم متاثرین کیلئے انسانی امداد فراہم کر دی
امدادی سامان روس کی وزارت ایمرجنسی سیچویشنز کی خصوصی پرواز کے ذریعے، پاکستان میں روسی سفارت خانے کے تعاون سے پہنچایا گیا
امدادی سامان پاکستان ہلالِ احمر سوسائٹی (PRCS) کے حوالے کیا گیا۔ اس موقع پر ہلالِ احمر خیبر پختونخوا کے وائس چیئرمین فرزند علی وزیر، ان کی ٹیم اور ہلالِ احمر نیشنل ہیڈ کوارٹرز کے جنرل سیکریٹری محمد عبیداللہ نے تنظیم کی جانب سے امداد وصول کی۔
امدادی سامان میں خوراک، ادویات، لباس اور دیگر ضروری اشیاء شامل ہیں
گورنر خیبر پختونخوا فیصل کریم کنڈی کا انکی اپیل پر روس کی جانب سے فوری فراخدلانہ ردعمل پر گہرےتشکر کا اظہار
کرم اس وقت شدید بحران سے گزر رہا ہے، فیصل کریم کنڈی
روس کیجانب سے یہ انسانی امداد ان افراد کے لیے زندگی کی ایک کرن ہے جو فوری مدد کے منتظر ہیں۔ فیصل کریم کنڈی
میں ان نازک حالات میں ہمارے ساتھ کھڑے ہونے پر روسی حکومت کا تہہ دل سے شکر گزار ہوں۔فیصل کریم کنڈی
تقریب میں پاکستان میں تعینات روس کے سفیر البرٹ پی۔ خوریو نے انسانی تعاون کو پاک روس تعلقات مضبوط کرنے میں ایک اہم ستون قرار دیا
روس پاکستان کے دوست عوام کی مدد کے لیے ہمیشہ تیار ہے، روسی سفیر
انسانی امداد ہماری شراکت داری کا ایک اہم جز ہے۔روسی سفیر
تقریب میں وزارت خارجہ پاکستان کے ترجمان شفقت علی خان اور دیگر نمائندگان بھی موجود تھے
