وزیر اطلاعات پنجاب عظمیٰ بخآری کا پشاور بی آر ٹی کے کرایوں میں اضافے کا دعویٰ پشاور میں بی آر ٹی کی تردید

وزیر اطلاعات پنجاب عظمٰی بخاری نے کہا ہے کہ گنڈا پور کو اس کی اپنی ہی حکومت نے چارج شیٹ کر دیا ہے، جبکہ ان کی کارکردگی محض دو جرگوں اور چار ایپکس کمیٹی کے اجلاسوں تک محدود ہے۔خیبر پختونخوا میں پشاور بی آر ٹی کے کرایوں میں بے تحاشہ اضافہ کیا گیا ہے، جو 110 روپے سے بڑھا کر 510 روپے کر دیا گیا

وی او

، جبکہ پنجاب میں الیکٹرک بس کا کرایہ صرف 20 روپے ہے۔ کے پی میں ٹیکنالوجی کے شعبے میں صرف 173 نوکریاں پیدا کی گئیں، جب کہ پنجاب کے “ستھرا پنجاب پروگرام” میں ایک لاکھ سے زائد لوگ روزگار حاصل کر رہے ہیں۔ خیبر پختونخوا حکومت کی “اختیار عوام کا” ایپ دراصل “مریم کی دستک” ایپ کی کاپی ہے، جس پر صرف 0.04 فیصد لوگ رجسٹرڈ ہیں۔گزشتہ 12 سالوں میں کے پی میں صرف 25 ڈائیلسز یونٹس قائم کیے گئے، جن میں سے زیادہ تر ناکارہ ہو چکے ہیں۔ “پچاس لاکھ گھروں کا دعویٰ کرنے والے اب تک صرف 200 گھر بنانے میں کامیاب ہو سکے ہیں۔ سی آر بی سی کینال کا منصوبہ 1995 میں واپڈا نے بنایا تھا جو ان کی ویب سائٹ پر بھی موجود ہے، لیکن گنڈا پور اسے اپنی حکومت کی کارکردگی میں شامل کرنے کی ناکام کوشش کر رہے ہیں۔ خیبر پختونخوا حکومت کا “تعلیم کارڈ” جو 2027 میں شروع ہونا ہے، لیکن اسے موجودہ سالانہ کارکردگی میں شامل کر لیا گیا ہے۔ پنسلوں، کمپیوٹرز اور ڈائریوں کی خریداری بھی کے پی حکومت کی کارکردگی میں شامل ہے۔انہوں نے کہا کہ گنڈا پور کو اپنی کارکردگی کی کتاب میں اسلام آباد اور پنجاب میں اپنی ناکام بغاوتوں کا بھی ذکر کرنا چاہیے تھا۔ پشاور بی آر ٹی کے کنٹریکٹر نے خیبر پختونخوا حکومت کے خلاف عالمی عدالت میں 57 ارب روپے ہرجانے کا دعویٰ کر رکھا ہے۔ پشاور ڈی آئی خان موٹر وے سی پیک کا منصوبہ ہے، جسے گنڈا پور کی نالائق حکومت اپنے کھاتے میں ڈالنے کی کوشش کر رہی ہے۔ ان خیالات کا اظہار انہوں نے ڈی جی پی آر میں پریس کانفرنس کرتے ہوئے کیا۔ انہوں نے کہا کہ وزیراعلیٰ علی امین گنڈاپور نے مجھے کتاب بھجوائی، شاید علی امین گنڈاپور نے یہ کتاب خود نہیں پڑھی، علی امین گنڈاپور نے کتاب میں اپنے کارنامے بتائے ہیں، وزیراعلیٰ خیبرپختونخوا نے اس سال میں 2 کارنامے بھی کیے، انہوں نے اسلام آباد اور لاہور پر حملے کیے وہ کتاب میں نہیں لکھا۔انہوں نے کہا کہ خیبرپختونخوا کے عوام دہشتگردی کی جنگ میں جھلس رہے ہیں، جب کرم جل رہا تھا موصوف فتح اسلام آباد کے راستے میں تھے، ان کو بار بار شرم دلائی تھی کہ لوگ وہاں مررہے ہیں۔عظمیٰ بخاری کا کہنا تھا کہ مجھے بتایا گیا تھا علی امین گنڈاپور پڑھے لکھے آدمی ہیں، علی امین گنڈاپور پڑھے لکھے ہوتے تو یہ کتاب نہ بھیجتے، ان کے یوٹیوبرز کو مریم نوازکی تصاویر دیکھ کر تکلیف ہوتی ہے۔سب کو پتہ ہے بی آرٹی کتنا جلتی ہے اور کتنی چلتی ہے، یہ ایک ہی بی آرٹی بناسکے جسے چلا بھی نہیں سکے، پنجاب میں ایک اورنج لائن کام کررہی ہے تین شہروں میں میٹرو چل رہی ہے، وزیراعلیٰ مریم نواز راولپنڈی سے مری کے درمیان گلاس ٹرین چلارہی ہیں۔ وزیر اطلاعات کا کہنا تھا کہ بی آرٹی پشاور کی لاگت 120 ارب روپے سے اوپر جاچکی ہے، پنجاب میں 120 ارب روپے سے کم پر 3 ٹرانسپورٹ منصوبے چل رہے ہیں، انہوں نے 12 سالوں میں 140 ٹیوب ویلزسولرائزڈ کیے ہیں، وزیراعلیٰ مریم نواز 10ہزار سے زائد ٹیوب ویلز کو سولرائزڈ کررہی ہیں۔انہوں نے کہا کہ تعلیم کارڈ پر ان کے اپنے وزیر تعلیم کا بیان آیا ہے، کہا گیا کہ تعلیمی کارڈ کی چھپائی پر اربوں روپے خرچ ہورہے ہیں، ان کے وزیرتعلیم کہہ رہے ہیں کے پی میں تعلیمی کارڈ 2027 سے شروع ہوگا، انہوں نے صحت کارڈ پر رنگ روغن کرکے اپنا منصوبہ بنایا ہے۔ عظمٰی بخاری کا کہنا تھا کہ پنجاب کا پروگرام ہونہار سکالر شپس ہے، پنجاب میں 30 ہزار بچوں کو سکالر شپس دیئے جاچکے ہیں، اب 50 ہزار بچوں کو سکالر شپس دیئے جائیں گے، وزیراعلیٰ مریم نواز بچوں کو الیکٹرک بائیکس اور سکوٹیز دے رہی ہیں، اپنی چھت اپنا گھر پروگرام کے تحت ہزاروں گھر بن رہے ہیں، گرین ٹریکٹرز لوگوں کو مل چکے ہیں، پنجاب میں کسان کارڈ لوگوں تک پہنچ چکے ہیں۔انہوں نے مزید کہا کہ کے پی گورنمنٹ نے لکھا پورے صوبے میں 815 لوگوں نے آئی ٹی ٹریننگ لی، انہوں نے دعویٰ کیا کہ 37 نئے سکول تعمیر کیے ہیں، یہ تمام سکول کاغذوں میں ہیں کسی کا بھی سنگ بنیاد نہیں رکھا گیا۔ان کا کہنا تھا کہ اسدقیصر نے اربوں روپے سے بنے ایک نئے پل کا افتتاح کیا جس پر بڑے بڑے گڑھے ہیں، لاہورمیں سڑک کا رنگ خراب ہونے پر ان کے تمام یوٹیوبرز نے بولنا شروع کردیا۔رمضان المبارک میں کوشش ہوتی ہے عوام کیلئے سہولیات پیدا کی جائیں، اس بارپورے پنجاب میں 80 رمضان بازار قائم کیے گئے ہیں، رمضان بازاروں میں ڈی سی ریٹ سے کم پر معیاری اشیا ء دی جارہی ہیں، پنجاب حکومت نے 30 ارب روپے کی لاگت سے رمضان پیکیج لوگوں کے گھروں تک پہنچایا جارہا ہے۔
۔پشاور/ بی آر ٹی کرایہ

پشاور: بی آر ٹی کےکرایے بڑھنے سےمتعلق خبروں میں کوئی صداقت نہیں، ترجمان ٹرانس پشاور

پشاور: رواں سال بی آر ٹی کےکرایوں میں اضافہ نہیں کیا گیا، ترجمان ٹرانس پشاور

پشاور: بی آر ٹی کےکرایوں میں اضافہ تقریبا 10 ماہ پہلےکیا تھا، ترجمان ٹرانس پشاور

پشاور: بی آر ٹی کا کرایہ 60 روپے برقرار ہے، ترجمان ٹرانس پشاور

پشاور: زو کارڈ کی قیمت میں بھی اضافہ نہیں کیا گیا، ترجمان ٹرانس پشاور

پشاور: زو کارڈ کی قیمت 400 روپے برقرار ہے، ترجمان ٹرانس پشاور

پشاور: زو کارڈ خریدتےوقت 160 روپے بیلنس ڈلوانا لازمی ہے، ترجمان ٹرانس پشاور