ایف آئی اے امیگریشن کی کراچی ائرپورٹ پر کاروائیاں
*غیر قانونی اور مشکوک دستاویزات پر افغان شہری کی برازیل جانے کی کوشش ناکام*
*جبکہ ایک اور کاروائی میں سینیگال میں انسانی سمگلنگ کا شکار ہونے والے شہری سے پوچھ گچھ جاری*
پہلی کاروائی میں امرالدین حاکمی نامی افغان شہری کو آف لوڈ کر دیا گیا
افغان شہری قزاقستانی پاسپورٹ پر برازیل جا رہا تھا
امیگریشن کلئیرنس کے دوران مسافر کی دستاویزات کو مشکوک پایا گیا
مسافر کے پاسپورٹ پر امیگریشن کی انٹری اسٹیمپ موجود نہیں تھی
آئی بی ایم ایس ریکارڈ کے مطابق بھی مسافر کے پاکستان آمد کے حوالے سے کوئی ہسٹری موجود نہیں پائی گئی
ابتدائی تفتیش میں مسافر نے طورخم بارڈر کے راستے غیر قانونی طور پر داخل ہونے کا انکشاف کیا
سیکنڈ لائن آفس کے تجزیہ کے مطابق مسافر کے پاسپورٹ پر ضروری سیکورٹی فیچر بھی غائب تھے
مسافر کو گرفتار کر کے انسدادِ انسانی سمگلنگ کراچی منتقل کر دیا گیا
جبکہ ایک اور کاروائی میں محمد سعید نامی مسافر سے پوچھ گچھ جاری
مسافر سینیگال سے کراچی براستہ ایتھوپیا ایمرجنسی پاسپورٹ پر پہنچا
ابتدائی تفتیش کے مطابق مسافر وزٹ ویزے پر سینیگال گیا تھا
مسافر نے سینیگال میں 4 ماہ گزارے
مسافر نوید احمد عرف چوہدری تیمور نامی ایجنٹ سے رابطے میں تھا
ملزم نے 45 لاکھ روپے کے عوض مسافر کو اسپین بھیجنے کے معاملات طے کیے
تاہم سینیگال پہنچنے پر مرزا احسن نامی ایجنٹ نے مسافر سے پاسپورٹ چھین لیا
مذکورہ ایجنٹوں نے مسافر کو غیر قانونی طور پر سمندر کے ذریعے یورپ بھجوانے کی کوشش کی
مسافر کو مزید پوچھ گچھ اور ایجنٹوں کی نشاندھی کے لیے انسدادِ انسانی سمگلنگ سرکل کراچی منتقل کر دیا گیا ترجمان ایف آئی اے کے مطابق مزید تفتیش جاری ہے
