صدر آصف زرداری کی منصب سنبھالنے کے بعد پہلی بار کراچی آمد، مزار قائد پر حاضری دی اور پھولوں کی چادر چڑھائی اس موقع پر گورنر سندھ اور وزیر اعلیٰ سندھ بھی ان کے ہمراہ تھے ..
صدر پاکستان آصف علی زرداری منصب سنبھالنے کے بعد پہلی بار کراچی پہنچ گئے اور مزار قائد پر حاضری دی۔صدر آصف علی زرداری راولپنڈی کی خصوصی طیارے میں روانہ ہو کر کراچی پہنچے۔فیصل ایئر بیس پر وزیراعلیٰ سندھ مراد علی شاہ، گورنر سندھ اور دیگر نے صدر مملکت کا استقبال کیا جس کے بعد صدر مملکت آصف علی زرداری نے مزار قائد پر حاضری دی، بانی پاکستان قائد اعظم محمد علی جناح کی قبر پر پھول رکھے اور فاتحہ خوانی کی۔
گورنر سندھ کامران ٹیسوری اور وزیراعلیٰ سندھ بھی صدر مملکت کے ہمراہ موجود تھے۔صدر مملکت کی آمد پر ان کے روٹ اور مزار قائد پر سخت حفاظتی انتظامات کیے گئے تھے۔
