111

بیلجیم اور لکسمبرگ میں پاکستانی کمیونٹی کے ساتھ سفیر پاکستان کی چوتھی ورچوئل کھلی کچہری

*
بیلجیئم، لکسمبرگ اور یوروپی یونین میں پاکستان کے سفیر ظہیر اے جنجوعہ نے پاکستانی کمیونٹی کے ساتھ چوتھی آن لائن کھلی کچہری کا انعقاد کیا۔

کچہری کے آغاز میں سفیرِ پاکستان نے تمام کمیونٹی ممبران کو رمضان کریم کی مبارکباد دی اور ان کی سلامتی اور خوشحالی کے لئے دعا کی ۔

سفیر ِ پاکستان نے شرکاء کو آگاہ کیا کہ سفارت خانہ کمیونٹی کے ساتھ قریبی روابطہ رکھتے ہوئے اور ہر طرح کی ممکنہ مدد اور خدمات کا سلسلہ جاری رکھے گا۔ اس سلسلے میں سفیرِ پاکستان نے درخواست دہندگان کی سہولت کے لئے خصوصی طور پر تعینات کیئے گئے عملے کے بارے میں بھی آگاہ کیا۔

سفیرِ پاکستان نے پاکستانی کمیونٹی کے روشن ڈیجیٹل اکاؤنٹ پر بھرپور اعتماد کو سراہا اور بتایا کہ بیلجیئم سے پاکستان بھیجی جانے والی ترسیلات زر گزشتہ برس سے 275% فیصد اضافے کے ساتھ 176.9 ملین امریکی ڈالر تک پہنچ گئیں ہیں، انہوں نے مزید بتایا کہ سفارتخانہ میزان بینک کے تعاون سے اسلامی بینکاری کی روشنی میں ایک اور روشں ڈیجیٹل اکائونٹ ویبنار منعقد کرنے جا رہا ہے ۔ انہوں نے کمیونٹی کو اس پروگرام میں شرکت کی دعوت دی۔

سفارتخانے کے ساتھ کمیونٹی بلخصوص طلباء کی رجسٹریشن مہم شروع کرتے ہوئے سفیرِ پاکستان نے امید ظاہر کی کہ زیادہ سے زیادہ طلباء رجسٹریشن کریں گے۔ بات چیت کے دوران ، کمیونٹی ممبران نے ویزا ، اورسیزاین آئی سی ا ور پاسپورٹ کے بارے میں اپنی تجاویز پیش کیں۔ سفیر نے تجاویز کا خیرمقدم کیا اور ان پر عمل درآمد کا یقین د لایا۔ کمیونٹی ممبران نے سفارتخانے کی کوششوں اور موثر قونصلر خدمات کی فراہمی کو سراہا۔

ورچوئل کچہری میں مختلف شعبہ ہائے زندگی سے تعلق رکھنے والے کمیونٹی ممبران نے شرکت کی، جن میں اکیڈمیا، کاروبار، سماجی خدمات اور میڈیا کے نمائندے شامل ہوئے۔

سفارت خانہ پاکستان برسلز ، وزیر اعظم عمران خان کے وژن کی مناسبت سے ، پاکستانی کمیونٹی کے ساتھ قریبی تعلقات کو برقرار رکھنے اور ہموار خدمات کی فراہمی کے لئے ، باقاعدگی سے رابطہ رکھتا ہے۔

اس خبر پر اپنی رائے کا اظہار کریں

اپنا تبصرہ بھیجیں