*آرمی چیف جنرل سید عاصم منیر کا پاسنگ آؤٹ پریڈ سے خطاب*
آرمی چیف جنرل سید عاصم منیر نے کہا ہے کہ ریاست کا محور پاکستان کی عوام ہیں، پہلی اور سب سے اہم ذمہ داری ریاستِ پاکستان کے ساتھ وفاداری اور پاکستان کی مسلح افواج کو تفویض کردہ آئینی کردار سے وابستگی ہے، “افواجِ پاکستان اپنے مضبوط قوتِ ارادی ، وعدہِ پروردگار اور اُسی کے تابعِ فرمان ہیں” کشمیری بھائیوں کی سیاسی، اخلاقی اور سفارتی حمایت جاری رکھیں گے،”
https://we.tl/t-PhLc30a2ii
*آرمی چیف جنرل سید عاصم منیر نے پاکستان ملٹری اکیڈیمی کاکول میں پاسنگ آؤٹ پریڈ سے خطاب* کرتے ہوئے کہا کہ “ریاست کا محور پاکستان کی عوام ہیں”، “پہلی اور سب سے اہم ذمہ داری ریاستِ پاکستان کے ساتھ وفاداری اور پاکستان کی مسلح افواج کو تفویض کردہ آئینی کردار سے وابستگی ہے” ” ہمارے لیے عوام کی حفاظت اور سلامتی سے زیادہ مقدس کچھ نہیں اور کوئی فرض مادرِ وطن کی حفاظت سے زیادہ اہم نہیں” آرمی چیف نے کہا کہ “فوج ہمارے عظیم قائد کے نظریہ پر عمل پیرا ہے جس میں ذات، رنگ، نسل، جنس یا علاقائی تفریق نہیں” *آرمی چیف جنرل سید عاصم منیر* نے واضح کیا کہ “امن کے لیے ہماری کوششوں کو کسی صورت کمزوری نہ سمجھا جائے” “ہم اپنے مادر وطن کے دفاع کے لیے کسی بھی قربانی سے دریغ نہیں کریں گے۔ پاک فوج اپنے اس فرض کو نبھانے کے لئے ہمہ وقت تیار ھے” *آرمی چیف جنرل سید عاصم منیر* کا کہنا تھا کہ “افواجِ پاکستان کے غیور اور سر بکف سپاہی دشمن کی تعداد یا وسائل سے مرعوب نہیں ہوتے” “افواجِ پاکستان اپنے مضبوط قوتِ ارادی ، وعدہِ پروردگار اور اُسی کے تابعِ فرمان ہیں” *آرمی چیف نے قرانِ مجید کی سورہِ بقرہ* کی آیہِ کریمہ کے ایک حصے کی تلاوت کی، جسکا ترجمہ ہے کہ :*” کتنی ہی بار ایسا ہوا کہ اللہ کی مرضی سے چھوٹی قوت نے بڑی طاقت کو شکست دی”* آرمی چیف جنرل سید عاصم منیر نے زور دیا کہ “دشمن ریاستی اور سماجی ہم آہنگی کو متاثر کرنا چاہتا ھے” “دہشت گردی کی جنگ میں عوام اور ریاست کا کلیدی کردار ھے” *آرمی چیف جنرل سید عاصم منیر* نے اس عزم کا اعادہ کیا کہ “بیش بہا قربانیوں کے نتیجے میں قائم ہونے والے امن کو کسی صورت متاثر نہیں ہونے دیں گے، “دہشت گردوں اور ان کے سہولت کاروں کی ملک میں کوئی جگہ نہیں” “ہمیں اپنے ظاہری اور چھپے ہوئے دشمن کو پہچاننا ہو گا اور اس ضمن میں حقیقت اور ابہام میں واضح فرق روا رکھنا ہوگا” *آرمی چیف کا کہنا تھا کہ* “دشمن عوام اور مسلح افواج کے درمیان دراڑ ڈالنے کی سازشوں میں سرگرم ہے” “عوام اور پاک فوج کے باہمی رشتے کو قائم و دائم رکھا جائے گا” *آرمی چیف* نے زور دیاکہ “افغانستان میں استحکام ہماری سلامتی کے لیے بنیادی حیثیت رکھتا ہے”
*آرمی چیف نے دو ٹوک کہا کہ* “ہم اپنے کشمیری بھائیوں کی سیاسی، اخلاقی اور سفارتی حمایت جاری رکھیں گے” “پاکستان کشمیر کے عوام کے بنیادی انسانی حقوق کے لیے ان کی تاریخی جدوجہد اور حَقِ خودارادیت کے لیے اُن کے ساتھ ہمیشہ کھڑا رہے گا” “عالمی برادری کو یہ جان لینا چاہیے کہ مسئلہ کشمیر کے منصفانہ اور پرامن حل کے بغیر، علاقائی امن ہمیشہ مبہم رہے گا”
اکستان ملٹری کا اکیڈمی میں مختلف کورسز کی تکمیل پر پاسنگ آئوٹ پریڈ، آرمی چیف جنرل سید عاصم منیر کی بطور مہمان خصوصی شرکت، کیڈٹس اور ان کے والدین کو تربیت کی کامیاب تکمیل پر مبارکباد، پاس آؤٹ ہونے والوں میں فلسطین، بحرین، عراق، قطر اور سری لنکا کے کیڈٹس بھی شامل تھے،،
*آئی ایس پی آر کے مطابق* پاکستان ملٹری اکیڈمی میں 147ویں پی ایم اے لانگ کورس، 13ویں مجاہد کورس، 66 ویں انٹیگریٹڈ کورس، چھٹے بیسک ملٹری ٹریننگ کورس اور 21 ویں لیڈی کیڈٹ کورس کی پاسنگ آؤٹ پریڈ منعقد ہوئی، آرمی چیف جنرل سید عاصم منیر اس موقع پر مہمان خصوصی تھے، پاس آؤٹ ہونے والوں میں فلسطین، بحرین، عراق، قطر اور سری لنکا کے کیڈٹس بھی شامل تھے، آرمی چیف جنرل سید عاصم منیر نے پریڈ کا معائنہ کیا اور نمایاں کارکردگی کا مظاہرہ کرنے والے کیڈٹس کو ایوارڈز سے نوازا، 147ویں پی ایم اے لانگ کورس کے اکیڈمی سینئر انڈر آفیسر عبداللہ بن طارق کو اعزازی شمشیر جبکہ بٹالین سینئر انڈر آفیسر علی عامر کو صدارتی گولڈ میڈل سے نوازا گیا، چیئرمین جوائنٹ چیفس آف اسٹاف کمیٹی اوورسیز گولڈ میڈل سری لنکا کے بٹالین سپورٹس سارجنٹ پاسندو دیانند کو دیا گیا، 13ویں مجاہد کورس کے کورس انڈر آفیسر محمد عدنان منور کو آرمی چیف کی اعزازی چھڑی سے نوازا گیا جبکہ 66 ویں انٹیگریٹڈ کورس کے کورس انڈر آفیسر عادل علی، 21 ویں لیڈی کیڈٹ کورس کی کورس سارجنٹ میجر فاطمہ خالد اور چھٹے بنیادی فوجی تربیتی کورس کے کورس انڈر آفیسر سلمان خان کو کمانڈنٹ کی اعزازی چھڑی سے نوازا گیا، آرمی چیف نے پاس آؤٹ ہونے والے کیڈٹس اور ان کے والدین کو تربیت کی کامیاب تکمیل پر مبارکباد دی، قبل ازیں آمد پر کمانڈنٹ پی ایم اے نے آرمی چیف کا استقبال کیا،،
