پاک بحریہ کے جہاز پی این ایس اصلت کا ریجنل میری ٹائم سیکیورٹی پٹرول کے دوران عمان کا دورہ
عمان کی بندرگاہ سلالہ آمد پر میزبان بحری حکام کی طرف سے پاک بحریہ کے جہاز کا پرتپاک استقبال کیا گیا
جہاز کے کمانڈنگ آفیسر نےعمان کے عسکری حکام سے ملاقاتوں کے دوران باہمی دلچسپی کے امور پر تبادلہ خیال کیا
دورے کے اختتام پر دونوں ملکوں کی افواج نے مشترکہ بحری مشق میں حصہ لیا
قبل ازیں پی این ایس اصلت نے برطانیہ کی رائل بحریہ کے جہاز ایچ ایم ایس لنکاسٹر کے ساتھ بھی بحری مشق اور آپریشن SCARLET TRIDENT میں حصہ لیا
دو طرفہ آپریشن کے دوران سمندر میں سرچ اینڈ ریسکیو، ہیلی کاپٹر لینڈنگ، انسداد منشیات اور اسمگلنگ کی روک تھام سے متعلق میری ٹائم آپریشنز کی مشق کی گئی
ان مشقوں کا مقصد بحری افواج کے مابین باہمی تعاون کو فروغ دینے کے ساتھ ساتھ سمندر میں غیر قانونی سرگرمیوں کی روک تھام، علاقائی امن اور استحکام کا قیام ہے
دورہ عمان اور بحری مشقوں میں شمولیت پاک بحریہ کی جانب سے علاقائی استحکام، بین الاقوامی تعاون اور بحری صلاحیتوں کے فروغ کےعزم کا منہ بولتا ثبوت ہے
